ავტომობილის უკანა მხარეს მდებარე ორი რადარის სენსორის წყალობით, Side Assist აღიქვამს უკნიდან მომავალ, ან ბრმა ზონაში მყოფ სატრანსპორტო საშუალებებს. სისტემა აღიქვამს 70მ-მდე დაშორებულ ავტომობილებს და ასევე მყისიერად აფრთხილებს მძღოლს გზებზე წარმოქმნილი სახიფათო სიტუაციების შესახებ.

ზოლში მოძრაობის დამხმარე სისტემა აღიქვავს ზოლიდან უნებლიე გადასვლას, აძლევს მძღოლს ვიზუალურ გაფრთხილებას და ასწორებს საჭეს. სისტემა აქტიურდება 65კმ-სთ.ით მეტი მოძრაობისას, მაშინ როდესაც გზის ზედაპირზე საგზაო ზოლები მკაფიო შესამჩნევია და არ არის ჩართული მოხვევის მაჩვენებელი.

Front Assist არის შეჯახების სიგნალის უსაფრთხოების სისტემა. გარდაუვალი შეჯახებისას, ის მოქმედებს მუხრუჭებზე, რათა მინიმუმამდე დაიყვანოს შეჯახებით გამოწვეული შედეგი. სისტემა ასევე ახორციელებს სასწრაფო გაჩერებას, იმ შემთხვევაში, თუ ქვეითი სახიფათოდ ცდილობს გზის გადაკვეთას.

ეს მახასიათებელი აკონტროლებს საბორტო სისტემების მუშაობას და ხელს უწყობს საგანგებო სიტუაციების მინიმუმამდე დაყვანას. არასტაბილური მართვის, ან მოსალოდნელი შეჯახების შემთხვევაში, სისტემა წინასწარ ჭიმავს უსაფრთხოების ღვედებს, უკავშირდება ESC-ს და ბოლომდე ხურავს ფანჯრებს.

ავარიული სიტუაციისას,როდესაც KAMIQ-ის უსაფრთხოების ბალიშები აქტიურდება, ავტომობილმა შეიძლება კიდევ გააგრძელოს მოძრაობა და გახსნილმა ბალიშებმა შესაძლოა შექმნას ახალი საავარიო სიტუაცია. სწორედ ამ დროს ირთვება მრავალჯერადი შეჯახების მუხრუჭები -Multi-Collision Brake, რომელიც ავტომობილს სრულად აჩერებს.