SUPERB COMBI–ს შეუძლია მოძებნოს შესაფერისი ადგილი 40კმ/სთ-ით მოძრაობისას. მას შემდეგ, რაც სენსორები იპოვიან საკმარისად დიდ ადგილს (მაგ., მანქანის სიგრძე + 80 სმ), სისტემა აფრთხილებს მძღოლს.

ვიწრო სივრციდან გამოსვლა ახლა ბევრად უფრო მარტივია. ამ რეჟიმში პარკირების დამხმარე სისტემა მანევრირებს წინ და უკან, მანამ სანამ არ იქნება შესაძლებელი ავტომობილების რიგიდან უსაფრთხოდ გამოსვლა.

სისტემა პოულობს ავტომობილებს შორის, პარკირებისთვის შესაფერის სივრცეს და ავტომატურად ახორციელებს პარკირების მანევრს. ავტომობილის ელექტრო სისტემები საჭეს აკონტროლებენ, ხოლო მძღოლი აჩქარების და მუხრუჭის პედალს.

პარკირების დამხმარე სისტემა, ნახევრად ავტომატურ რეჟიმში უზრუნველყოფს ავტომობილის მოძრაობას წინ, ცარიელი ადგილისაკენ. სისტემა ეხმარება მძღოლს და ავტომატურ რეჟიმში ამოძრავებს საჭეს, ხოლო მძღოლი პასუხისმგებელია აჩქარებასა და დამუხრუჭებაზე.

გადაცემათა კოლოფის უკუ სვლაში გადართვისას, უკანა ხედვის კამერა ავტომატურად აქტიურდება და გამოსახულება საინფორმაციო და გასართობი სისტემის მთავარ ეკრანზე ჩნდება. დინამიური ხაზები უჩვენებს მძღოლს მიმართულებას და მიანიშნებს საჭის სწორ პოზიციაზე.

პარკირების ზოლიდან გამოსვლისას, 'უკანა საგზაო სიგნალი' აღიქვავს გვერდიდან მოძრავ სატრანსპორტო საშუალებებს. აკუსტიკური სიგნალი აფრთხილებს მძღოლს მოსალოდნელი შეჯახების შესახებ. თავდაპირველად მთავარ მონიტორზე 'კრიტიკული მხარე' ნაჩვენებია ყვითლად, შემდეგ კი წითლად. საჭიროების შემთხვევაში კი, ხდება მუხრუჭების ავტომატურად გამოყენება.

12 ულტრაბგერითი სენსორის მონაცემების, მართვის მამოძრავებელი პარამეტრებისა და საჭეების კუთხის მონაცემების საფუძველზე, “OPS 360” აფრთხილებს მძღოლს პარკირებისას პოტენციური რისკის არსებობის შესახებ.

პარკირების სენსორები ეხმარებიან მძღოლს ავტომობილის გაჩერებაში და მუშაობენ კოლაბორაციაში 'საინფორმაციო და გასართობ სისტემებთან'. იმ შემთხვევაში, თუ დროულად არ მოხდა მუხრუჭების გამოყენება, SUPERB COMBI ააქტიურებს ფუნქციას "მანევრირების დამხმარე სისტემა", რომელიც შეჯახების თავიდან ასაცილებლად, ავტომატურად აჩერებს ავტომობილს.